Cymorth Prynu - Help i brynu Ty

Ar hyn o bryd nid nid oes unrhyw arian ar gael ar gyfer y Cynllun Cymorth Prynu yng Ngwynedd na Ynys Môn felly nid ydym yn anfon ffurflenni cais allan ar gyfer y cynllun.

Mae'r Gymdeithas yn gweinyddu'r Cynllun Cymorth Prynu sy'n gymorth ariannol sydd ar gael i bobl leol sydd ar incwm anigonol i godi morgais i brynu eiddo addas.

Mae'r cynllun yn cynnig benthyciad ad-daladwy gwerth unai 30% neu 50% o bris pryniant ty sy'n cael ei brynu oddi ar y farchnad agored (gweler isod canllawiau cost uchafswm pris pryniant ar gyfer y cynllun).

I gymhwyso ar gyfer y cynllun rhaid profi nad yw'r ymgeisydd yn gallu fforddio i brynu cartref heb gymorth y cynllun ac eu bod yn cymhwyso i weddill ofynion y cynllun.

Mae'r cynllun yn cynnig benthyciad tuag at bryniant cartref addas ac yn ystod y cyfnod mae'r ymgeiswyr yn byw yn yr eiddo nid oes rhaid gwneud unrhyw ad-daliadau i'r Gymdeithas. Bydd yn rhaid gwneud taliadau misol am gostau eu morgais i'r benthycwr morgais tuag at eu benthyciad am wedill y pris pryniant. Mae rhaid ad-dalu'r benthyciad i'r Gymdeithas ar adeg gwerthu'r eiddo neu yn gynt os y dymunir a'r hyn yn seliedig ar werth yr eiddo ar yr adeg ad-dalu, h.y os prynir yr eiddo am £50,000 a rhoddir £15,000 sef 30% tuag at y pryniant gan y Gymdeithas ac ar adeg ad-dalu'r benthyciad os yw'r eiddo gwerth £60,000 bydd yn rhaid ad-dalu 30% o'r swm hyn sef £18,000 i'r Gymdeithas.

Mae’r cynllun Cymorth Prynu yn hynod boblogaidd ac mae ymhell dros gant o ymgeiswyr ar ein rhestr aros ar hyn o bryd. Mae Llywodraeth Cynulliad Cymru wedi gwneud ymchwil i fewn i’r cynllu yn ddiweddar gan edrych ar y ffordd y mae’r cynllun yn cael ei redeg a phwy sydd yn gymwys. Bydd yn bosibl i chwi gofrestru gyda ni, ond gan bod cymaint o ddiddordeb ni allwn sicrhau ar hyn o bryd y bydd cyllid ar gael ar gyfer y cynllun yn ei ffurf presennol yn y tymor hir.

Benthyciadau Cymorth Prynu yn ystod 2006/2007

• Ynys Môn
  Cyfanswm benthyciadau’r cynllun Cymorth Prynu (h.y. 30/50% o bris prynu yr eiddo) yn Ynys Môn oedd £692,650 tuag at bryniannau 18 o gartrefi.
• Gwynedd
  Cyfanswm benthyciadau’r cynllun Cymorth Prynu (h.y. 30/50% o bris prynu yr eiddo) yng Ngwynedd oedd £1,276,548 tuag at brynianau 28 o gartrefi.
• Conwy
  Cyfanswm benthyciadau’r cynllun Cymorth Prynu (h.y. 30/50% o bris prynu yr eiddo) yng Ngonwy oedd £132,060 tuag at brynianau 2 o gartrefi.

Os ydych angen ffurlen gais neu fwy o wybodaeth parthed y Cynllun Cymorth Prynu cysylltwch a'r Adran Gwasanaethau Eiddo, yn Nhy Silyn, Penygroes.

UCHAFSWM GWERTH AR GYFER Y CYNLLUN CYMORTH PRYNU

GWYNEDD

MÔN